तेरी खुद तेरी याद

मेरी आस भी तू मेरी सांस भी तू,
मेरा जिकुडा की तीस करार भी तू।

आन्दू तेरु ख्याल सुवा सुद बुद मेरी ख्वे जान्द,
उड़ी की मन मेरु सुवा, दौड़ी दौड़ी की त्वे मा आन्द।
न क्वी आस न क्वी तीस बाकी अब रईंच,
त्वे दगड़ रैणकी सुवा मन आस एक बचींच।।।

मेरी आस भी तू.....

झणी कुजणी क्या बात ह्वे, मेरी सुवा तू दूर छै
ज्यू प्राण खुदे सुवा, कैकु हमन क्या जी ख्वे।
किस्मत की बात होली, कि बिधाता रुशै होलु हमसे,
बांद मेरी दूर गौं मा, मी परदेशा मा दूर त्वेसे।

मेरी आस भी तू...

नौना नौनी पूछदा होला, बुबा हमरू हमसे दूर किलै,
क्या प्यार प्रेम नि च हमसे, जो दगड़ हमथै नि अपड़ा बुलै।
किलै बाबा हमरू हमसे रूठी, जो देश हमथे छोड़ी चली गैनी,
क्या ज़िन्दगी च बोला, नौना-नौनी सुवा सभी देखा बिछड़ी गैनी।।

मेरी आस भी तू मेरी सांस भी तू,
मेरा जिकुडा की तीस करार भी तू।
Pari

© ® Pari....


Love is life.....Love is god....Love is everything..